Zo as je meschien wa gezien eit, èn ik wat mi de zeê. Nie vrimd overigens omda 'k ier een groôt gedeêlte van m'n vrieë tied waerkend op deu brienge as hydrografisch surveyor (as jie ier een goeie vertaeling in 't Zeêuws vô weet, stier die dan mâr even deu) op stêênstorters.
Wil je wete wat â hydrografie in survey noe percies binne? Kiek dan ês ier. Je mo dan wá vrêêd goed ôllans kunne leze ô.....
Stênen ôre gestort om olie of gas puupen die op de zeêbooiem laage te beschaermen of om fundoaties te maeken voe offshore platformen. Mâ ôk kaebels in umbilicals oare soms beschermd deu stênen é. Saoi waerek? Nou, glâd nie ô. 't Is altied wi een verrassing om te ziên oe 't zeêbed er bie leit vôdât m'n mi storte kunne begunne. De natuur gae natuurluk geweun z'n gang. 't Is altied wî vêchte tegen straom, wind in golven. Mâ ôk tegen techniek die 't op de mêêst ongelegen momenten af lae wete. Of tegen ôns eige, maensen die fouten maeke. Ier kunnen me 't nooit van winnen é, ôk â zoue m'n dat nog zô graeg willen. Omdat er altoôs ôp zeê gewaerkt ôr, motte problemen têrplêkke opgelost kunnen ôre.

Even een kapotte PC bie de computer boer op den 'oek brienge is 't er vanzaelf nie bie �. Dat geef ân dit soort waerk een uitdaegende dimensie. Mâ 't mêêst interressante is altied wî het saemen waerke mi zôvee verschillende maensen mi de meest uitêênlopende karakters. Van oallerlei nationaliteiten in disciplines. Collega's ân board in collega's ân de wal. Opdrachtgevers ân boord in opdrachtgevers ân de wal. Mi één gemeênschappelijk doel: stênen op een zô efficient meugelijke maniere in op de goeie plaekke gestort zie te kriegen. Kortom : stêênstorten is bûûtengeweun leutig.

Tot 19 januari 2004. Toen â de Rocknes kapseisde in 18 collega's et leven liete. Dat zette in één klap m'n leven op z'n kop. En dat van vele mit mien...

Interresse? Kiek ês op de links op de start pagina of op de foto pagina

Of gae ês nè www.rockdumping.eu in www.nordnes.nl